सुवेच्छा र सुपुष्पामा उल्टो भयो

रणवीर फिल्म रिलिज भैसक्यो । फिल्म चलेन पनि । फिल्म चल्छ भनेर निर्माता, निर्देशक, कलाकार सबै विश्वासमा थिए । तर, फिल्म चलेन ।

फिल्म रिलिज हुन भन्दा अघि फिल्ममा रहेका २ जना अभिनेत्री सुपुष्पा भट्ट र सुवेच्छा खड्काको भविष्यको लेखाजोखा हुन्थ्यो ।

सुवेच्छा मिस नेपालमा पनि भाग लिइसकेकी, मोडलिङमा राम्रो नाम कमाएकी, स्टेज कार्यक्रम राम्रो चलाउने अभिनेत्री थिइन् । सुपुष्पा फिल्ममा आउँदै थिइन् ।

रणवीर फिल्म रिलिज भएपछि सुवेच्छाको व्यस्त जीवन बढेर जान्छ भनेर सबैले भनेका थिए । सुपुष्पामा नजर लगाइएको थिएन ।

रणवीर रिलिजपछि उल्टो भयो । सुवेच्छाको ग्रहण सुपुष्पालाई लाग्छ भनेर भनिएको हो । तर, त्यस्तो भएन । ग्रहण कसैको कसैलाई लागेन ।

तर, सुवेच्छाको सफलता फिल्म चल्न भन्दा अघिल्लो दिनसम्म गरिएको जस्तो भएन । सुवेच्छालाई सुपुष्पाले उछिनन् । यी दुइको अनुमान ठ्याक्कै उल्टो भयो ।