‘लभ यु हमेशा’ पोष्टरसंगै प्रदर्शन मिति तय

फिल्म ‘लभ यु हमेशा’ को फस्टलुक पोस्टरसँगै प्रदर्शन मिति सार्वजनीक भएको छ । भाष्कर प्रधानले निर्देशन गरेको फिल्म भदौ ६बाट प्रदर्शन हुने पक्का भएको हो ।

आइडियल डिजाइनर्सले डिजाइन गरेको फिल्मका पोस्टरमा यशराज गरच, ऋचा थापा र फिजा योन्जनलाई हाइलाइट गरिएको छ । धर्मा क्रिएसनको ब्यानरमा यवन गुरुङको प्रस्तुति र मिलन गुरुङ सहनिर्माता रहेको फिल्ममा यशराज, रिचा र फिजाका साथमा शिसिर राणा, गोपाल ढकाल (छन्दे), पिटी योल्मा,प्रमिला राई,सल्देन तामाङ लगायत कलाकारले अभिनय गरेका छन् । फिल्ममा निर्देशक भास्करकै कथा, शिब ढकालको छायांकन, एनबि महर्जनको द्धन्द्ध निर्देशन,भासुको संगीत, कमल राईको कोरियोग्राफी र मिलन श्रेष्ठको सम्पादन छ । लभ यु हमेशाको बितरण आरआर फिल्मस्ले गर्दैछ ।