बाबुछोराको प्रेम दर्शाउने ‘आप्पा’ को गीत

दयाहाङ राई स्टारर फिल्म ‘आप्पा’ को गीत ‘साउने झरी’ सार्वजनिक भएको छ । ओएसटी गीतमा मुख्य कलाकार दयाहाङ राई र बाल कलाकार रोनीत सरकारलाई फिचर्ड गरिएको छ । गीतमा उमेश उपमाको शब्द रचना, निर्देशक अनमोल गुरुङ र शैकातको संगीत र विज्ञमा बराईलीको स्वर रहेको छ ।

फिल्ममा दयाहाङले आप्पा (बुवा)को भूमिका निर्वाह गरेका छन् । फिल्मले बाबु-छोराको सम्बन्धको कथा भन्छ । अनमोल गुरुङ निर्देशित फिल्ममा सिद्दार्थराज तामाङले दयाहाङको छोराको भूमिका निर्वाह गरेका छन् । माउन्टेन स्टोरिज र सिनेमा आर्टको व्यानरमा निर्मित सिनेमामा तुलसी घिमिरे, अरुणा कार्की, अल्लोना कबो लेप्चा, सम्राट विश्वास र रिंकीको अभिनय छ । रुदेन सदा लेप्चाले निर्माण गरेको फिल्ममा अनमोल गुरुङको संगीत, निमेष श्रेष्ठको सम्पादन, शैलेन्द्र डि कार्कीको छायाँकन र योजना प्रधानको कोरियोग्राफी छ । भने, फिल्मको कार्यकारी निर्माता मबो चेम्जोङ हुन् । फिल्म असार १३ बाट प्रदर्शनमा आउने छ ।