सन्नी नाँच्दा के भयो ?

पासवर्ड नेपाली फिल्म हो । पासवर्ड फिल्म भदौ २७ मा रिलिज हुँदैछ । पासवर्ड फिल्मको कथा भनिएको छैन । पासवर्डको एउटा मात्र प्रचार छ, सन्नी लियोनी ।

पासवर्डको एउटा गीतमा बलिउडकी अभिनेत्री सन्नी लियोनीको नृत्य छ । सन्नी लियोनीलाई २ करोड भन्दा पनि धेरै दिइएको हो भनेर छायांकन गर्दा नै चर्चा गरिएको हो ।

सन्नी लियोनीलाई नचाएपछि धमाका हुन्छ भनेर नचाइएको हो । बलिउडका मेकअपकै मानिस पनि नेपाल आए भने ठूलो सोचिने गरिन्छ । सन्नी नाच्दा यो गीत ठूलो मानिनु स्वभाविक थियो ।

सन्नी लियोनी नाच्दा के भयो ? युटुबमा यो गीतलाई मिश्रित समिक्षा छ । गीतलाई दर्शकले सम्झिहाल्ने देखिएन ।

सन्नी लियोनीले त नाचेकी छिन् । उनी, राम्रो नाच्छिन् । सन्नीलाई लिएर पनि कोरियोग्राफरले अवसर गुमाएका छन् । सन्नीलाई कोरियोग्राफी गर्दा होमकर्व पुगेन ।

सन्नी लियोनी नाच्दैमा नेपाली फिल्म चल्दैन । फिल्म चल्न फिल्म नै राम्रो बनाउनपर्छ । सन्नी लियोनीलाई लिएर यति धेरै रकम खर्चिएर नचाएपछि रिजल्ट बबालै आउनपर्ने हो, तर आइदिएन ।