‘पोई पर्यो काले’ मा ‘सुहागन’ पूजा शर्मा

पूजा शर्मा ‘पोई पर्यो काले’ को छायांकनमा व्यस्त छिन् । केहि दिन अघि छायांकनका केहि भिडियो समेत बाहिरिएका थिए भने यहि क्रममा उनले फिल्ममा आफ्नो लुक नै सार्वजनिक गरेकी छन् । सामाजिक संजाल इन्स्टाग्राममा तस्विर पोष्ट गर्दै उनले लुक सार्वजनिक गरेकी हुन् ।  सार्वजनिक तस्विरमार्फत उनी विवाहित महिलाको भूमिकामा रहेको स्पष्ट भएको छ । फिल्ममा उनी सौगात मल्लको जोडीका रुपमा देखिदै छिन् भने दर्शकले रुचाएका उनका जोडी आकाश श्रेष्ठ भने सौगातकी रियल लाइफ जोडी श्रीस्टि श्रेष्ठसंग देखिदै छिन् ।

शिशिर राणाको लेखन तथा निर्देशन रहेको फिल्ममा सौगात मल्ल, पूजा शर्मा, आकाश श्रेष्ठ, श्रृष्टी श्रेष्ठ, राजाराम पौडेल, सोहित मानन्धर, विन्दा खतिवडा, जयनन्द लामा लगायतका कलाकारको अभिनय छ । शिव ढकालको छायांकन रहेको फिल्ममा सुवाष भुषाल र पुरुषोत्तम न्यौपानेको संगीत, कविराज गहतराज, रामजी लामिछाने र रविन शाहको कोरियोग्राफी छ । तारा प्रकाश ‘किम्भे’को सम्पादन रहने फिल्मका प्रस्तुतकर्ता श्यामबहादुर थापा हुन् । दिपक मनाङ्गे र देवी राइको लगानी रहेको फिल्ममा किरण नेपाली र रघु परियार कार्यकारी निर्माताको रुपमा छन् । फिल्म जेठ १३ गतेबाट फ्लोरमा जाने फिल्म कात्तिक ८ गतेबाट प्रदार्शनमा आउने छ ।