पाँच तारे होटलमा भव्य कार्यक्रम गरी ‘छ माया छपक्कै’ घोषणा

आमा सरस्वती मुभिज र रोहित अधिकारी फिल्मस्को संयुक्त ब्यानरमा निर्माण हुन लागेको फिल्म ‘छ माया छपक्कै’ पांच तारे होटलमा एक कार्यक्रमको आयोजना गर्दै निर्माण घोषणा गरिएको छ ।

सोल्टी होटलमा आयोजित भब्य कार्यक्रमका बीच निर्माण घोषणा गरिएको फिल्ममा दिपेन्द्र लामाले निर्देशन गर्ने छन् भने छायांकन हरी हुमागाईंको रहने छ । फिल्मका लागि कलाकार केकी अधिकारी, दिपकराज गिरी, दीपा श्री निरौला, जितु नेपाल र केदार घिमिरे फाइनल भएका छन् । । फिल्ममा केकी र दिपक पहिलो पटक जोडीको रुपमा देखिदैछन् । फिल्मले करिब ४० वर्ष उमेर अन्तर रहेको जोडीको कथा भन्ने छ । फिल्ममा रोहित अधिकारीको लगानी रहनेछ । फिल्म आउँदो बर्षको दशैंमा रिलिज हुनेछ । फिल्ममा दिपाश्री निरौला सल्लाहकार निर्देशकको रुपमा रहने छिन्