यात्राको ‘फ्लाइङ्ग’ सार्वजनिक

फिल्म ‘यात्रा : अ म्युजिकल भ्लग’ को गीत ‘ फ्लाइङ्ग’ सार्वजनिक भएको छ । गीतमा डेब्यु गर्ल मलिका महतसँग सलिनमान बनिया रोमान्टिक अवतारमा देखिएका छन् । गीतलाई पोखराको रमणीय स्थलमा छायाँकन गरिएको छ भने यसमा प्रविन सिंहको कोरियोग्राफी रहेको छ । गीतमा सुगम पोखरेल र मेलिना राईको स्वर रहेको छ भने यसमा शब्द र संगीत प्रतिक पौडेलको रहेको छ । गीतलाई निर्माण पक्षले फिल्म रिलिजपछि सार्वजनिक गरेको हो ।

‘हामीले प्लनिङ्ग अनुसार नै यसलाई रिलिजपछि सार्वजनिक गरेका हौ’ निर्देशक सम्राट शाक्य भन्छन् ‘फिल्मले प्राप्त गरेको प्रतिक्रियाले निकै उत्साहित छौ ।’ फिल्ममा सलिनले भ्लग मार्फत समाजमा ल्याउन सकिने परिवर्तनलाई चित्रण गरेका छन् । फिल्ममा सलिनसंगै सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , देशभक्त खनाल , कमल मैनाली , सौगात शर्मा लगायतको अभिनय रहेको छ । यसै फिल्म मार्फत मलिका महतले डेब्यु गरेकी छब भने यसमा विदेशी कलाकारहरु चाइनाका जुन झाङ र केन्याका बबीको पनि अभिनय छ ।