रंग पत्रकार पुष्करलाल श्रेष्ठको निधन

रंग पत्रकारका अभिभावक तथा कामना न्यूज पब्लिकेसन्स प्रा। लि। का प्रधानसम्पादक वरिष्ठ पत्रकार पुष्करलाल श्रेष्ठको ६० वर्षको उमेरमा हिजो विहान ११ः५९ बजे उपचारको क्रममा निधन भएको छ । श्रेष्ठको स्वास्थ्यमा विभिन्न समस्या देखिएपछि भारतको मेदान्त अस्पताल हुँदै पछिल्लो समय काठमाडौंस्थित नर्भिक अस्पतालमा उपचारको क्रममा निधन भएको हो ।

विक्रम सम्वत २०१६ सालमा काठमाडौंमा जन्मिएका श्रेष्ठ कामना ग्रुप अफ पब्लिकेसन्स, नेपाल मिडिया सोसाइटी, इन्टरनेसलन प्रेस इन्ष्टिच्यूट अन्तर्गत नेपाल नेसनल कमिटीलगायतका संस्थाका संस्थापक अध्यक्ष थिए । नेपालमा रंग प​त्र​कारिताको सुरुवात उनले कामना मासिक मार्फत गरेका थिए । संचार क्षेत्रसँग सम्बन्धित विभिन्न संस्थाहरुको जिम्मेवारी सम्हालेका उनी लामो समयदेखि नेपाल समाचारपत्र दैनिकका प्रधानसम्पादक थिए ।

श्रेष्ठको निधनले नेपाली रंग पत्रकारिता क्षेत्रले एक अभिभावक गुमाएको छ । उनले पत्रकारिता क्षेत्रमा पु¥याउनु भएको योगदानको नेपाली पत्रकारिता जगतले सदा स्मरण गरिरहनेछ । चलचित्र पत्रकार संघ नेपालले स्तब्ध र दुःखी भएको भन्दै प्रेस बिज्ञप्ति समेत प्रकासन गरेको छ ।