युटुबमा प्रियंकाको भिडियो हिट, फिल्मी गीत कमजोर

अभिनेत्री प्रियंका कार्की अभिनित फिल्म प्रेम दिवस प्रदर्शनको क्रममा रहेको छ । यो फिल्मको मिति जेठ ३ गतेबाट सरेको हो । निर्देशक योगेश घिमिरेले जेठ ३ मा रिलिज हुने तयारीमा रहेका विर विक्रम २ र जात्रै जात्रासँग प्रेम दिवस रिलिज गरेनन् ।

अभिनेत्री कार्की र अभिनेता आयुष्मान देशराज जोशीलाई देखाएर यो फिल्मको ‘बरु अर्को जुनी’ गीत तयार पनि पारियो, युटुबमा सार्वजनिक पनि गरियो । तर, यो गीत आएको बारे धेरै दर्शक नै बेखबर भए । युटुबमा गीतको भ्यूज हेर्ने हो भने ठिकै छ ।

आयुष्मान र प्रियंकाले नै अभिनय गरेका म्यूजिक भिडियोका गीतहरु युटुबमा राम्रो भ्यूज बटुलिरहेका छन् । उनीहरुले नै अभिनय गरेको अर्को जुनी युटुबको ट्रेन्डिङको १ नम्बरमा धेरै समय बसेको थियो । तर, फिल्मको गीत आउँदा यति फिक्का किन ?

आयुष्मान र प्रियंकाले म्यूजिक भिडियोलाई महत्व दिन थालेका छन् । हप्तामा ४–५ वटा भिडियो त उनीहरुको आउँछ आउँछ । यही भएर पनि होला कि, दर्शकले उनीहरुलाई भिडियोमा नै बढी रुचाउन थालेका ।

प्रेमदिवसको दोश्रो गीत सुन्दा मन छुन्छ नै । तर, गीतमा आएका केही कमेन्टमा गायक निशान भट्टराई र गायिका मेलिना राइको तारिफ धेरै छ ।

दर्शकले प्रियंका र आयुष्मानको म्यूजिक भिडियो युटुबमा हेरेरै मन पराउन थालेका हुन् कि ? कि यी दुइले नाचेका फिल्म गीत भिडियो भन्दा पनि कमजोर बनेका हुन् ?