‘यात्रा’ ट्रेलर हेरौ पुरस्कार जितौ

सलिनमान बनिया स्टारर फिल्म ‘यात्रा : अ म्युजिकल भ्लग’ को रिलिज मिति नजिकिदै गर्दा निर्माण टिमले मकै एपसँगको सहकार्यमा क्रिज कन्टेस्ट आयोजना गरेको छ । प्रतियोगिताका लागि एक प्रश्न सोधिएको छ , जसको सहि जवाफ दिने मध्यबाट एक भाग्यशालीले १ लाख नगद पाउनेछन् ।

फिल्ममा मलिका महतले तस्प्याको भूमिका निर्वाह गरेकी,  उनले आफ्नो आँखाको ज्योति कसरी गुमाउछिन् ? यस प्रश्नको जवाफका लागि सहभागीले ट्रेलर हेरेर दिएको अप्सन मध्य एकमा टिक लगाउने पर्नेछ । टिक लगाएपछि प्रतियोगीले आफ्नो नाम र नम्बरसँगै इमेल सहितको प्रयोग गरि बुझाउनु पर्नेहुन्छ । यसमा विश्वभरका जो कोहीले पनि सहाभागिता जनाउन पाउनेछन् । सहभागिताको लागि https://meromakaii.com/yatra यस लिंकमा क्लिक गर्नु पर्ने हुन्छ ।

नेपालबाट विनर भए १ लाख नगद र विदेशबाट भए नौ सय युएस डलर प्रदान गरिने प्रस्तुतकर्ता चिजकुमार श्रेष्ठले बताए । यो प्रतियोगिता आउँदो चैत्र २९ गते विहान ८ बजे बन्द गरिने छ भने आउँदो वैशाख २० गते फेसबुक लाइभ मार्फत विजेता घोषणा गरीनेछ । यस प्रतियोगितामा सहभागी हुनेले उल्लेखित सर्त तथा नियम पढ्नु पनि अति आवश्यक छ ।