विर विक्रम २ बर्षाको मात्र फिल्म हो र ?

जेठ  ३ गतेबाट रिलिज हुन लागेको फिल्म विर विक्रम २ मा अभिनेता पल शाह र अभिनेत्री बर्षा सिवाकोटीको मुख्य भूमिका छ । मिलन चाम्स यो फिल्मका निर्देशक हुन् ।

फिल्म विर विक्रम २ ले पाउने चर्चामा पल शाहको योगदान बढी हुन्छ । बर्षा सिवाकोटी, अभिनेता नाजिर हुसेनको पनि आफ्नै फ्यान छन् ।

विर विक्रम २ फिल्म रिलिजले बर्षा बढी उत्साहित छिन् । किनकी, यो फिल्मसँग उनको करिअर जोडिएको छ ।

अभिनेत्री सिवाकोटीको आज जन्मदिन पनि हो । उनलाई फिल्मीकर्मीले शुभकामना पनि दिइरहेका छन् । यसैमा अभिनेता पल शाहले उनलाई पनि शुभकामना दिएका छन् ।

उनले अभिनेत्री बर्षा सिवाकोटीलाई जन्मदिनको शुभकामना दिएर जेठ ३ गतेबाट रिलिज हुन लागेको तिम्रो फिल्म विर विक्रम २ सफल होस् भनेर कामना गरेका छन् ।

विर विक्रम २ बर्षाको मात्र फिल्म होइन । यो पलको पनि फिल्म हो । बर्षालाई शुभकामना दिदा पलले किन तिम्रो भनेका होलान् ? किन, हाम्रो फिल्म सफल होस् भनेर उनले बर्षालाई शुभकामना दिन सकेनन् ।

फिल्म चल्नका लागि पल र बर्षाको जोडीलाई रुचाइनुपर्छ । पलले विर विक्रम २ लाई के आफ्नो फिल्म सोच्न नसकेका हुन् र ? कहिलेकाही शब्दमा पनि ख्याल गर्न आवश्यक छ है ।