रवि ओडको पहिलो गीतमा एलिशा

दोस्रो नेपाल आइडल बिजेता तथा गायक रवि ओड को पहिलो गीत ‘मिठो बोलीले…’ सार्वजनिक भएको छ । गीतमा संगीतकार हरि लम्सालको संगीत निर्देशन छ । गीतका संगीत संयोजक पनि संगीतकार लम्साल नै हुन् । कृष्ण केसीले उक्त गीत रचना गरेका हुन् । अकेस्टिक स्टुडियोमा रेकर्ड गरिएको उत्तः गीतलाई चन्द्र चौधरीले मिक्सिङ तथा मास्टरिङ गरेका हुन् । कोरियोग्राफर शिव बिकेको कोरियोग्राफी तथा निर्देशनमा उक्त गीतको म्युजिक भिडियो तयार भएको हो । भिडियोमा एलिशा राई तथा गायक रवि ओड फिचर्ड छन् । सुप्रिम पराजुलीले उक्त भिडियोलाई सम्पादन गरेका हुन् । रामेश्वर कार्की भिडियोका छायांकार हुन् ।