प्रियंका र आयुष्मानको फिल्मलाई तनाव

अभिनेता आयुष्मान देशराज जोशी र अभिनेत्री प्रियंका कार्की म्यूजिक भिडियो खेलेरै मख्ख छन् । दैनिक एउटा भिडियो यो जोडीको सार्वजनिक भैरहेको छ । प्रियंका र आयुष्मानले आफूलाई फिल्ममा यति धेरै सस्तो बनाइदिएकी, उनीहरुको फिल्मलाई दर्शकले प्रतिक्षा गर्ने आधार नै छैन ।

आयुष्मान र प्रियंकाले म्यूजिक भिडियोमा आफूलाई सस्तो बनाउँदा उनीहरुले अभिनय गरेको फिल्म प्रेमदिवस भने कुन दिनमा रिलिज हुने हो टुंगो लागेको छैन ।

फिल्मका निर्देशक योगेश घिमिरे फिल्म कुन मितिमा रिलिज गर्ने भन्नेमा एकिन छैनन् । फिल्मलाई जेठ ३ गते रिलिज गर्ने उनको योजना थियो । तर, विर विक्रम २ र जात्रै जात्रा आएपछि उनी सो मितिमा रहन सकेनन् ।

किनकी, यी दुई फिल्मको अघि प्रियंका र आयुष्मानको कमजोर स्टारडमले काम गर्नेवाला नै थिएन ।

फिल्म प्रेम दिवसका निर्माताले नयाँ मिति रोज्न सकेका छैनन् । वि.सं २०७६ सालमा फिल्म नै कम छन् । तर, प्रियंका र आयुष्मानको फिल्मको रिलिजका लागि निर्माता मिति खोजिरहेका छन् ।