‘अघोरी’ टिजरमा डरलाग्दा प्रज्वल

एक्सनप्रधान फिल्म ‘अघोरी’ को अफिसियल टिजर सार्वजनिक भएको छ । कलाकार प्रज्वल गिरी टिजर भरी छाएका छन् । उनको डरलाग्दो रुप र एक्सन टिजरमा देख्न सकिन्छ ।

टिजरसँगै फिल्मको रिलिज मिति समेत सार्वजनिक गरिएको छ । वर्ष २०७६ को असोज १७ गते फिल्मको प्रदर्शन मिति तोकिएको छ । भोमन कटुवाल निर्देशित यस फिल्ममा प्रज्वल गिरी, सारदा राज्यलक्ष्मी शाह, उमेश खड्का, मुनम मल्ल ठकुरी, सुरविर पन्डित, सुशिल पोखरेल, अमिन कार्की लगायतका कलाकारले अभिनय गरेका छन् । सारदा र मुनमले यसै फिल्मबाट नायिकाको रुपमा डेव्यु गरेका हुन् । दिक्षा पाठक कार्यकारी निर्माता रहेको ‘अघोरी’ मा राजु कितारको द्धन्द, सुवास देवकोटाको सम्पादन, जीवन पराजुलीको छायांकन रहेको छ । राधादेवी कटुवाल प्रस्तुत फिल्ममा दीपक शर्मा, ओम सुनार, सरोज कोइराला, सुमन राई र मदन वराइलीको संगीत रहेको छ ।