नकिमले अनमोल रोज्दा सुरक्षालाई केको खसखस ?

अभिनेता अनमोल केसी र क्यूएफएक्सका मालिक नकिम उद्दिनले बलिउड फिल्मका लागि टिमअप गर्ने चर्चा फिल्म क्षेत्रमा छ । अनमोलले पनि अफर आएको स्विकार गरिसकेका छन् ।

तर, नकिमले अनमोललाई लिएर फिल्म बनाउदा नेपाली फिल्मकी अभिनेत्री सुरक्षा पन्तको भने टाउको दुखेछ । उनको टाउको किन दुख्यो त्यो उनलाई नै थाहा हुनुपर्ने हो ।

तर, उनले नकिमलाई अनमोलसँग भन्दा पनि बुलबुल, पशुपतिप्रसाद जस्ता फिल्मका निर्मातासँग सहकार्य गर्न सुझाएकी छन् । उनले नकिम उद्दिन नेपाली फिल्मको मेरुदण्ड नै भएको भन्दै फरक कथामा बन्ने फिल्मका लागि सहकार्य गर्न आग्रह गरिन् । एउटा समाचार पोर्टलमा आएको समाचारको तल उनले यस्तो कमेन्ट गरेकी छिन् ।

सुरक्षा पन्तलाई नकिमले अनमोलसँग फिल्म गर्दा यति टाउको दुख्नुको कारण के होला ?

नकिम र अनमोलविच हुन लागेको  सहकार्य कस्तो हो, कस्तो कथामा फिल्म बन्न लागेको हो भन्ने नवुझिकन सोझै उनले पशुपति प्रसाद र बुलबुलका निर्मातासँग सहकार्य गर्न सुझाव दिनु कती तर्कसंगत होला ?

सुरक्षाको करिअर नै नेपाली फिल्ममा सुरक्षित छैन । अझै दर्शकले उनलाई चिन्न सकेका छैनन् । आफ्नो करिअरको बारेमा टाउको नदुखाई बन्दै नबनेको फिल्मलाई लिएर उनको टाउको दुखाई तर्कसंगत होला ? सुरक्षाजी भोली तपाइले खेल्न लागेको फिल्मका निर्मातालाई तपाइलाई नलिन भन्दै अरुले सुझाए भने रिस उठ्छ कि उठ्दैन ?  काम कुरो एकातिर कुम्लो बोकी ठिमीतिर भनेको यही हो ।