हिमेशको ‘में जहाँ रहुँ’ फस्ट लुक सार्वजनिक

हिमेश रेशमियाको फिल्म ‘में जहाँ रहुँ’ को फस्ट लुक सार्वजनिक भएको छ । ट्रेड एनालिस्ट तरण आदर्शले सामाजिक संजाल ट्वीटर मार्फत फिल्मको फस्टलुक सार्वजनिक गरेका हुन् ।

गायनमा रेशमियाले भारतीय मनोरन्जन जगतमा नाम कमाउन सफल भैसकेका छन् भने फिल्ममा खासै सफल भएका छैनन् । फिल्मको प्रदर्शन मिति भने तय गरिएको छैन । तर २०२० मै फिल्म तयार गरेर प्रदर्शन गर्ने निर्माण टिमको तयारी रहेको छ । फिल्म राजेश शेट्टीले निर्देशन गर्दै छन् । फिल्ममा जावेद अख्तर समेत रहने छन् । फिल्ममा ७ गीत रहने र गीतको रेकर्डिङ समेत गरिसकिएको छ ।