‘दुश्मन लाग्यो’ अनमोल केसी

पुर्व निर्धारित समयमा फिल्म ‘ए मेरो हजुर ३’ को ट्रेलर रिलिज नभएको भन्दै फिल्मका नायक अनमोल केसीले माफी मागेका छन् ।

फिल्मको ट्रेलर सार्वजनिक कार्यक्रम हिजो बुधबार नै भएको र उक्त समय ट्रेलर युट्युवमा राख्न नसकीए पनि बिहिबार दिउसो १ बजे रिलिज गर्ने जानकारी फिल्मका निर्माता सुनिलकुमार थापाले दिएका थिए । तर ४ बजिसक्दा सम्म ट्रेलर सार्वजनिक नभएको र दर्शकको जिज्ञासा बढ्दै जादा नायक केसीले सामाजिक संजाल फेसबुकमा एक स्ट्याटस पोष्ट गरेका छन् ।

उनले अंग्रेजी भाषामा लेखेको स्ट्याटसमा दुश्मनका कारण समयमा ट्रेलर दर्शक सामु ल्याउन नसेको भनेका छन् । एक प्राविधिकको कारण ट्रेलरको काम रोकिएको र ५ बजे सम्म सार्वजनिक गर्ने उनले लेखेका छन् । समयमा सार्वजनिक नभएको कारण उनले सम्पूर्ण टिमकै तर्फबाट माफी मागेका हुन् ।