विदेशिए गौरव आँसुमा डुबिन् शिल्पा (भिडियो)

गायक प्रदीप भट्टराईको ‘खाडी देशमा’ गीत सार्वजनिक भएको छ । नारायणप्रसाद निरौला र प्रदीप भट्टराईले लेखेको गीतको संगीत संयोजन गणेश चौधरीले गरेका छन् भने संगीत प्रदीप कै रहेको छ । गौरव पहारी तथा शिल्पा पोखरेलको मुख्य भूमिका रहेको उक्त गीतको भिडियोमा सुरबीर पण्डित, रमा थपलिया, साजन माझी तथा पुर्णिमा मगरको समेत अभिनय रहेको छ । क्रान्ति केसीको निर्देशनमा बनेको भिडियोमा आर्थिक अवस्थाले पिरोलिएर विदेशिनु पर्ने नेपालीहरुको कथालाई प्रस्तुत गरिएको छ ।