पलको जोडी बर्षासँग, प्रमोशन आँचलसँग

फिल्म रिलिजको समयमा कलाकारले फिल्ममा काम गरेको जोडीसँग प्रमोशन मस्त गर्छन् । फिल्ममा काम गरेको जोडीलाई दर्शकलो धेरै भन्दा धेरै हेरुन् र फिल्म हेर्न पनि आउन भन्ने चाहना हुन्छ ।

तर, अभिनेता पल शाह र अभिनेत्री आँचल शर्माको सोच भने यस्तो देखिएन । अभिनेता पल शाहले अभिनय गरेको फिल्म विर विक्रम २ जेठ ३ मा रिलिज हुँदैछ । यो फिल्ममा पल अभिनेत्री बर्षा सिवाकोटीको जोडीको रुपमा छन् ।

अभिनेत्री आँचल शर्माले अभिनय गरेको दाल भात तरकारी वैशाख २० मा रिलिज हुँदैछ । यो फिल्ममा आँचल अभिनेता पुष्पल खड्काको जोडीको रुपमा छन् ।

तर, फरक फरक फिल्ममा फरक फरक जोडी बनाएपनि यो जोडीलाई एकसाथ इन्टरभ्यू दिन भने खै भ्याई नभ्याई नै छ ।

पल र आँचले मुन्द्रेको कमेडी क्लबमा पुगेका छन् । यो शोमा पुष्पल र आँचल, बर्षा र पल देखिनुपर्ने हो । तर, आँचल र पललाई नै पुग्न यति साह्रो हतार किन भएको होला ? फिल्म चल्दा त कमसेकम आफ्नो रिल जोडीसँग हिड्नु नी ।

आँचल र पललाई लादा शोलाई फाइदा त होला ।  तर यो कुरा कलाकारले पनि वुझ्न पर्ने हो । कतिबेला के कुरामा कसरी प्रमोशन गर्ने भनेर । तर, आँचल र पललाई त आफ्नै जोडी हिट बनाएर फुर्सद छैन । यस्तै हो भने, अरु कलाकारसँग फिल्म खेल्न छाडेर आफू आफू मात्र खेले भैहाल्यो नी होइन र !