छक्का पन्जा टिमले रवि लामिछानेलाई सहयोग गर्ने

सफल फिल्म ‘छक्का पन्जा दुई’ दाल भात तरकारी प्रदर्शन गर्ने भनिएको दिनमा प्रदर्शन हुने पक्का भइसकेको छ । दाल भात तरकारी भने एक हप्ता पछी सरेको छ । फिल्म दोश्रो पटक प्रदर्शनसंगै फिल्म निर्माता तथा कलाकार दीपक राज गिरीले अर्को घोषणा गरका छन् । दोश्रो पटक प्रदर्शन भएर प्राप्त रकमको ठुलो हिस्सा रवि लामिछाने द्वारा निर्माण भैरहेको कालिकोटको रास्कोट अस्पताल सहयोगार्थ खर्च गर्ने सुनिस्चित गरेका छन् । साथै फिल्म निर्देशक निर्मात्री तथा कलाकार दिपा श्री निरौलाले पनि उक्त बिषयको जानकारी सामाजिक संजाल फेसबुकमा पोस्ट गर्दै दिएकी छन् ।

विदेशमा रहेका दर्शकहरुको फिल्म युट्युवमा अपलोड गर्नु पर्ने चर्को मागका बीच फिल्म प्रदर्शनको घोषणाले उनीहरुमा आक्रोस थपेको थियो । पोष्टमा कमेन्ट गर्दै फिल्मको टिमलाई पैसाको पछि लागेको लोभी लगायतका ट्याग दिएका छन् । तर यहीबीच आएको सामाजिक सहयोगको घोषणाले दर्शकको आक्रोश कम हुने अनुमान गर्न सकिन्छ ।