जसिताका लागि प्रदिपको गीत ‘मेरो आगनीमा’

फिल्म लभ स्टेसनको दोस्रो गीत ‘मेरो आगनीमा’ सार्वजनिक भएको छ । गीतमा सुरेश लामाको स्वर, उज्वल घिमिरेको शब्द, शम्भुजित बास्कोटाको संगीत र रिकेश गुरुङको संगीत संयोजन रहेको छ । गीतमा फिल्मका मुख्य कलाकार प्रदीप खड्का र जसिता गुरुङ फिचर्ड छन् । प्रदीपलाइ भिडियोमा गायकको भूमिकामा देखाइएको छ ।

लभ स्टेशनलाई काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेका हुन् । आलोक शुक्लाको छायाँकन रहेको लभ स्टेशनमा बरिष्ट संगीतकार शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ । यसमा लोकेश बज्राचार्य र अर्जुन जिसीको सम्पादन, एलिस कार्कीको पाश्र्व संगीत, शिशिर खातीको नृत्य निर्देशन, कुमार महर्जनको द्धन्द्ध निर्देशन, राजेन्द्र रावलको निर्माण व्यबस्थापन रहेको छ ।