‘सुनैको दरबार’ मा छुल्ठिमको ठुम्का

फिल्म ‘पसिना’ को प्रोमोसनल टाइटल गीत सार्बजनिक गरिएको छ । सार्बजनिक ‘सुनैको दरबार’ गीतमा मीना पोखरेल निरौलाको स्वर रहेको छ । निर्देशक आर बि खत्री ‘शरद’ को शब्द रचना रहेको गीतमा संगीत दिपक शर्माको रहेको छ । छुल्ठिम डोल्मा गुरुङलाइ फिचर्ड गरिएको भिडियोलाइ राजीब समरले कोरियोग्राफ गरेका हुन् । निरज कंडेलले छायांकन गरेको भिडियोलाई भरत रेग्मीले सम्पादन गरेका हुन् ।

आर बि खत्री ‘शरद’ ले निर्देशन गरेको फिल्म ‘पसिना’ मा गौरव पहारी, अनु शाह,  सरोज खनाल, सरोज अर्याल, रवि गिरी, धुर्ब कोइराला, शारदा गिरी, सुरजनी केसी लगायतका कलाकारको अभिनय रहेको छ । फिल्ममा राम केसीको छायांकन, राजनराज सिवाकोटी, दिपक शर्मा र थिरज राइको संगीत,नबिन निरौलाको सम्पादन,शिब बिक र राजीब समरको नृत्य  र देव महर्जनको द्वन्द रहेको छ । ‘गरौ सत्कर्म, बगाउ पसिना’ भन्ने नारा बोकेको फिल्म समसामयिक कथामा बनेको छ । आर बी खत्री ‘शरद’ को कथा रहेको फिल्मको निर्माता शान्ता ढकाल हुन् । बैशाख २७ गते बाट प्रदर्शनमा आउने फिल्मका कार्यकारी निर्माता  संजय महतो हुन् ।