राजा आउ भन्दै श्रेष्ठले सार्वजनिक गरे ‘मर्न भन्दा बाच्न भाछ ठुलो डर’

पशुपति शर्माको गीत ‘लुट्न सके लुट’ को चर्चा र विवाद सकिन नपाउदै राजा आउनु पर्छ भन्दै नया गीत सार्वजनिक भएको छ ।  ‘मर्न भन्दा बाच्न भाछ ठुलो डर’ बोलको गीतमा प्रिया सेन्च्युरी र पदम बहादुर श्रेष्ठको आवाज रहेको छ ।  गायक श्रेष्ठकै संगीत रहेको गीतको शब्द सारा सेन्च्युरीको रहेको छ।

गीतमा श्री ५ , राजा आउनु पर्छ, सरकारले कर बढाएको लगायतको कुरा समेटिएको छ । विकृत विसंगति र अन्याय बढेको कारण राजा आउनु पर्ने उल्लेख छ । ‘बामपन्थी सरकारले लुट्यो’ जस्तो शब्दको प्रयोग समेत गीतमा छ  ।

भिडियोमा प्रिया, पदम, रन्जु र सर्मिलाको अभिनय रहेको छ । पदम सुबेदीको छायांकन रहेको भिडियो सम्पादन धीरेन्द्रको रहेको छ भने निर्देशन गायक स्वयंले गरेका हुन् ।