निरुताका लागि अनमोल र भुवनको प्रतिष्पर्धा

फिल्म क्याप्टेनको गीत ‘कर्ली कर्ली’ सार्वजनिक भएको छ  ।  मेलिना राई र एसडी योगीको आवाजमा तयार भएको यो गीतमा एसडीकै शब्द तथा संगीत छ । म्युजिक भिडियो कोरियोग्राफी रेनशा वान्तवा राइले गरेकी छन् । गीतमा अनमोल केसी उनका पिता तथा नायक भूवन केसीको साथमा नायिका निरुता सिंहको नृत्य रहेको छ । भिडियोमा निरुताका लागि बाउछोराको प्रतिष्पर्धा देख्न सकिन्छ ।

फागूण १७ गतेबाट रिलिज हुने यस फिल्ममा अनमोल केसीको साथमा उपासना सिंह ठकुरी, प्रियंका एमभी, सुनिल थापा, प्रशान्त ताम्राकार, विल्सन विक्रम राई मुख्य भूमिकामा छन् । दिवाकर भट्टराइको  निर्देशनमा तयार भएको फिल्ममा सुदिप बरालको छायांकन छ । यो गीत केही दिनमै रिलिज गर्ने तयारी यसको निर्माणपक्षले गरेको छ । कलाकारको पहिरनको डिजाइन स्वर्णिम राइले गरेकी हुन् ।