फ्राइडे रिलिज : बुलबुल, जोकर र दुई विदेशी फिल्म

फ्राइडे रिलिज अन्तर्गत स्वस्तिमा खड्काको मुख्य भूमिका रहेको फिल्म ‘बुलबुल’  आजबाट प्रदर्शनमा आएको छ । बुलबुलसंगै नेपाली फिल्म ‘जोकर’, हलिउड फिल्म ‘एलिटा’ र बलिउड फिल्म ‘गल्ली ब्वाई’ एकसाथ प्रदर्शनमा आएका छन् । नेपाली फिल्मसंगको प्रतिष्पर्धा खासै नभए पनि एलिटा र गल्ली ब्वाई बुलबुलको व्यवसायिक सफलताका लागि चुनौती बनेर आएका छन् ।

बुलबुल, ‘साँघुरो’का लेखक बिनोद पौडेलको फिचर फिल्ममा डेब्यु निर्देशन हो । फिल्मले टेम्पो चालक महिलाको जीवनीलाई पर्दामा प्रस्तुत गरेको छ । फिल्ममा बुद्धि तामाङ, मुकुन भुसाल, उज्वल अधिकारी, दीपक क्षेत्री, जोयस पाण्डे, आशिका पाण्डे लगायतका कलाकारको अभिनय रहेको छ । सुसन प्रजापतिको छायांकन रहेको फिल्मलाई विनोद पौडेलले लेखेका हुन् । फिल्ममा कोशिश क्षेत्री र उद्गम परियारको संगीतमा रजिना रिमाल र निश्चल बस्नेतको स्वर सुन्न सकिन्छ । फिल्मलाई पुरुषोत्तम पाण्डे, अबिरल थापा, भिम थापा र राजु पौडल संयुक्त रुपमा निर्माण गरेका हुन् ।