अनमोललाई मेगास्टार, चर्चा कै लागि हो त ?

चैत्र २९ गतेबाट रिलिज हुन लागेको फिल्म ‘ए मेरो हजुर ३’ को टिजर सार्वजनिक भएको छ । यो फिल्मको टिजरमा अभिनेता अनमोल केसी र अभिनेत्री सुहाना थापाको केमेष्ट्रीलाई मात्र देखाउन खोजिएको छ ।

तर, याद गर्नुपर्ने कुरा के छ भने, यो फिल्मको टिजरमा पहिलो पटक अभिनेता अनमोल केसीलाई मेगास्टार भनेर सम्बोधन गरिएको छ । जसरी, साउथ अभिनेताहरुको इन्ट्री सिनमा मेगास्टार, सुपरस्टार भनिन्छ । यसरी नै अभिनेता अनमोल केसीलाई मेगास्टार भनिएको छ ।

अभिनेता अनमोल केसीलाई मेगास्टार भन्दा क्याप्टेन फिल्मको कार्यक्रममा विवाद पनि भएको थियो । संचारकर्मी नरेश भट्टराइले अभिनेता केसीलाई मेगास्टारको उपमा भिराएका हुन् ।

अब, उनी अभिनित फिल्मको टिजरमै मेगास्टार भनेर सम्बोधन गरिएको छ । यसो गर्दा ए मेरो हजुर ३ को चर्चा हुन्छ भन्ने सोच निर्माता सुनिलकुमार थापा र निर्देशक झरना थापाको योजना पो हो कि ?

अब, अरु निर्माताले पनि अभिनेतालाई मेगास्टार नै भनेर सम्बोधन गर्लान् त ?