नाजिर अब भिडियो नै खेल्ने हो त ?

कहिलेकाही त अभिनय मात्र राम्रो गरेर पनि नहुने रहेछ । अभिनय मान्छेले मन पराएर के गर्नु, हलमा फिल्म हेरिदिने दर्शक नै नभएपछि ।

अभिनेता नाजिर हुसेनको हकमा यो कुरा लागू भएको छ । अभिनेता नाजिर हुसेनको अभिनयको मुक्तकण्ठले प्रशंसा हुन्छ । नाजिरको अभिनयमा विविधता पनि छ, तर दर्शकले हेर्दैनन् । युटुबमा नाजिर बबाल भनेर मात्र कमेन्ट आएर नहुने रहेछ । युटुबमा आएको कमेन्टले फिल्म चल्ने हो भने त नेपालमा धेरै कलाकार महास्टार भैसक्थे ।

अभिनेता नाजिर हुसेनको फिल्म चलेका छैनन् । गरुड पुराड पनि नचलेपछि अब भने उनले करिअरको बारेमा सोच्नै पर्ने भएको छ । नाजिर फिल्म नचलेपछि म्यूजिक भिडियोतिर पनि व्यस्त छन् । प्रमोद खरेलको यो गोप्य कुरामा उनी सुहाएका छन् ।

फिल्म हलमा चल्ने भएकाले दर्शकले टिकट काटेर फिल्म हेरिदिनुपर्छ । युटुबमा म्यूजिक भिडियो जतिले हेरिदिए, त्यती नै हिट ।

नाजिर अब फिल्म भन्दा म्यूजिक भिडियोमा व्यस्त हुने अड्कल लगाउन सकिन्छ । कि, काम पनि थोरै हुने, अपजस पनि कम आउने, यता तिर नै लाग्ने हो कि नाजिरले पनि ? धेरै हिरो हिरोइन भिडियोमा हिट, फिल्ममा सुपरफ्लप छन् ।