‘एउटीलाई मुटुमा घर’ कभर डान्स कम्पिटिसन

चैत्र १ गतेबाट प्रदर्शनमा आउने फिल्म ‘जानी नजानी‘ को गीत ‘एउटीलाई मुटुमा घर गीत’को कभर डान्स कम्पिटिसन हुने भएको छ । राजधानीमा एक पत्रकार भेटघाटका बीच निर्माण पक्षले यसको घोषणा गरेको हो ।

यस गीतमा आफ्नो डान्स भिडियो बनाएर पठाएमा उत्कृष्ट हुने पहिलोले ३२ इन्चको रोवा टिभी, दोस्रोले रोवाकै साउण्ड सिस्टम, तेस्रो र चौथो हुने २ जनाले द कार्टुन क्रिउसँगको तिन महिने डान्स ट्रेनिङ र पाचौ हुनेले कान्तिपुर फिल्म एकेडेमीमा एक वर्षको फिल्म डिप्लोमा कोर्स गर्न पाउने छन् । भिडियो कम्तिमा १ मिनेटको हुनु पर्नेछ भने यसलाई फागुन २० गते भित्र पठाईसक्नु पर्नेछ । यस भिडियो कभर कम्पिटिसनको निर्णायकको रुपमा नृत्य निर्देशक नरेश वीर सिंह रहेका छन् ।

प्रतियोगीले भिडियो तयार पारेर जानी नजानीको फेसबुक https://www.facebook.com/JaniNajaniFilm/, इन्स्टाग्राम https://www.instagram.com/janinajani2018/ र इमेल [email protected] मा पठाउन सक्नुहुनेछ । प्राप्त भिडियो मध्यबाट उत्कृष्ट पाचलाई फागुन २५ गते भित्रमै एक कार्यक्रमको बिच पुरस्कार हस्तान्तरण गरिनेछ ।

फिल्ममा कलाकारहरु मनिष श्रेष्ठ, निरिशा बस्नेत, सन्नी सिंह र नम्रता श्रेष्ठ मुख्य भूमिकामा रहेका छन् । पुराना कलाकार तथा निर्देशक विश्व बस्नेतको छोरी निरिशा यसै फिल्म मार्फत फिल्मनगरीमा डेब्यु गर्दैछिन । फिल्ममा प्रकाश अधिकारी , कृष्ण भक्त महर्जन , रोशनी केसी लगायतको पनि अभिनय रहेको छ । आधुनिक प्रेम कथामा आधारित फिल्मको कथा , पटकथा र संवाद सामिप्यराज तिमिल्सेनाले लेखेका हुन् भने यसै फिल्म मार्फत बसन्त अधिकारी निर्देशनमा डेब्यु गर्दैछन । फिल्ममा छायाँकन संजय लामाको रहेको छ भने संगीत अर्जुन पोखरेलले दिएका छन् । फिल्ममा कविराज गहतराज , प्रविन सिंह र शिशिर खातीको कोरियोग्राफी रहेको छ ।

फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ भने यसको कलरिस्ट रेनिश फागो हुन् । रोशनी इन्टरटेन्मेनटको ब्यानरमा निर्मित फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण रहेको छ ।