सोनमले पूजा र आकाशलाई किन नकुरेका ?

सम्हालिन्छ कहिले मन फिल्मको छायांकन गर्नका लागि यो फिल्मका कलाकार पनि लण्डन पुगेका छन् । अभिनेत्री पूजा शर्मा,  अभिनेता आकाश श्रेष्ठ र सोनम तोप्देन बुधबार बेलुका लण्डन उडेका हुन् । उनीहरु लण्डन पुगिसकेका छन् ।

लण्डन उड्नु भन्दा अघि उनीहरु त्रिभुवन विमानस्थलमा देखिए । तर, विमानस्थलमा अभिनेता सोनम चाडै पुगे र पूजा र आकाशलाई पर्खिएनन् । उनी, केही फ्यानसँग फोटो खिचाएर गेटबाट भित्र छिरिहाले ।

सोनमले नपर्खिएपछि अभिनेत्री पूजा शर्मा थोरै निराश पनि भइन् । उनले सोनम खोइ त भन्ने प्रश्नमा उनी भित्र गैसकेको मात्र जवाफ दिइन् ।

आकाश र पूजा भने संचारमाध्यममा कुरा गरेर भित्र प्रवेश गरेका थिए । सोनमले आखिर आकाश र पूजालाई किन नपर्खिएका होलान् ? के सोनमलाई पूजा र आकाशसँग संचारमाध्यममा कुरा गर्दा आफू छायामा पर्छु भन्ने डर थियो ? वा उनलाई कम बोल्न आउने भएकाले पनि चाडै नै भित्र छिरेका हुन् ।

तर, सोनमले नपर्खिएर भित्र प्रवेश गर्दा पूजा र आकाशलाई यो प्रश्न सोधियो । एकसाथ जानु नै थियो भने, एकछिन कुर्दा के हुन्थ्यो होला र सोनम जी ?