छक्का पञ्जा टिमसंग टिमअप गर्दै निर्माता रोहित अधिकारी

नेपाली फिल्म क्षेत्रमा पछिल्लो समय एकछत्र राज गर्दै आएको छक्का पञ्जा टिमसंग निर्माता रोहित अधिकारि जोडिने भएका छन् । केही समय अगाडि देखि यी दुईको टिमअप हुन लागेको चर्चा फिल्म वृतमा चल्दै आएको भएता पनि उनीहरुले एकसाथ फिल्म निर्माण गर्ने कुरा बाहिरिएको थिएन । तर मेरोफिल्मलाई प्राप्त जानकारी अनुसार उनीहरु मिलेर नयाँ फिल्म निर्माणको गृहकार्य अगाडि बढेको छ ।

श्रोतका अनुसार आगामी बैशाखमा फ्लोरमा जाने गरी फिल्म निर्माणको कार्य अगाडि बढेको छ । तर, उक्त फिल्म छक्का पञ्जा सिरिज भने हुनेछैन । नयाँ कथामा बन्ने फिल्ममा छक्का पञ्जा टिमसंगै निर्माता रोहित अधिकारीको लगानी रहनेछ । यसबारेमा निर्माता दीपकराज गिरीले भने, ‘हामी कुराकानीको क्रम मै छौँ । सबै कुराहरु सकारात्मक छन् । सबै कुरा मिलेको खण्डमा हामी फिल्म निर्माण गर्नेछौँ । तर, त्यो छक्का पञ्जा सिरिज भने हुने छैन’ । पछिल्लो समय एफडी कम्पनीमा समेत आवद्ध भएका गिरीले फिल्म हल संचालन गर्न लागेको हल्ला पनि बाहिरिएको छ ।