प्रियंका चोपडाको नेपाली फिल्म ‘पाहुना’ ट्रेलर

बलिउड अभिनेत्री प्रियंका चोपडाले निर्माण गरेको नेपाली फिल्म ‘पाहुना : द लिटिल भिजिटर’को ट्रेलर सार्वजनिक भएको छ । यस अघि फिल्मको रिलिज मिति तथा पोष्टर सार्वजनिक भएको छ । फिल्म डिसेम्बर ७ मा रिलिज हुने जानकारी दिएका हुन् ।

उक्त फिल्मले यसअघि जर्मनीमा भएको फिल्म फेस्टिभल र अन्तर्राष्ट्रिय फिल्म फेस्टिभलमा दुई पुरस्कार समेत हात पारिसकेको छ । यो फिल्मलाई प्रियंका चोपडा र उनकी आमा मधु चोपडाले निर्माण गरेका हुन् । फिल्ममा लेखन तथा निर्देशन पाखी ए टेरेबालेको रहेको छ । फिल्ममा नेपालमा भएको माओबादी द्धन्द्वबाट बचेर सिक्किम पुगेका तिन  बालबालिकाको सर्घषलाई देखाइएको छ । फिल्ममा इशीका गुरुङ, अनमोल लिम्बु, मञ्जु केसी, शरण राई, विनोद प्रधान, उत्तम प्रधान, विनिता लुगुन लगायतका कलाकारको अभिनय रहेको छ ।