अभिनेत्री परमिता आर एल राणाको ब्रेकअप

अभिनेत्री परमिता आर एल राणाको ब्रेकअप भएको छ । अभिनेता आयुष्मान देशराज जोशीसँगको प्रेम सम्बन्ध टुटे पछी हिसी लोसांग प्रेममा रहेकी उनको ब्रेकअप भएको हो ।

केही हप्ता अगाडी मात्र अभिनेत्री परमिता आर एल राणाले इन्गेजमेन्ट गरिन् भन्ने अपुष्ट समाचारहरु प्रकासित भएका थिए । परमिताको जन्मदिनमा उनका प्रेमी हिसीले औठी लगाइदिएको कारण उनीहरुले इन्गेजमेन्ट गरेको हल्ला चलेको थियो । तर त्यो कुरालाई नकार्दै परमिताले जन्मदिनको गिफ्ट मात्र रहेको बताएकी थिइन् ।

इन्गेजमेन्टको हल्ला सेलाउन नपाउँदै उनको ब्रेकअपको खबर बाहिरिएको छ । परमिताले आफ्नो इन्स्टाग्राममा स्टाटस लेख्दै यो कुराको पुष्टी गरेकी हुन् । उनले लेखेकी छिन्-‘यो सबैका लागि हिसी तिमीलाई धन्यवाद छ । तिमीले मलाई पीडा सिकाएका छौ । म अहिले पहिलेको भन्दा झनै शक्तिशाली भएकी छु । म प्रेममा अन्धो भएकी रहेछु । तर, मैले अहिले बल्ल वुझे कि म यो भन्दा पनि निकै राम्रो कुरा प्राप्त गर्न योग्य छु । यो सबै पीडाका लागि तिमीलाई धन्यवाद ।’