शाहरुखको जन्मदिन पारेर ‘जिरो’ ट्रेलर रिलिज

बलिउडका किङ खान शाहरुखको जन्मदिनको अवसर पारेर फिल्म ‘जिरो’को ट्रेलर रिलिज भएको छ । ट्रेलरमा शाहरुखसँगै दुई अभिनेत्री अनुष्का शर्मा र कैटरिना कैफ फिचर्ड छन् । ट्रेलर रिलिज अगाडि फिल्मका २ पोष्टर सार्वजनिक भइसकेका छन् । पोष्टर साहरुख खानले ट्विटरमार्फत सार्वजनिक गरेका थिए ।

फिल्ममा शाहरुख शारीरिक रुपमा होचो व्यक्तिको भूमिकामा देखिएका छन् । आनन्द एल रायको निर्देशनमा तयार भएको यो फिल्म डिसेम्बर २१बाट रिलिज हुँदैछ । २०० करोड भन्दा बढीको० लगानीमा निर्माण भएको जिरो बर्ष २०१८ कै प्रतीक्षित फिल्म मानिएको छ । रेड चिल्लिज इन्टरटेनमेन्ट र कलर एल्लो प्रोडक्सनको ब्यानरमा निर्माण भएको फिल्मलाई गौरी खानले निर्माण गरेकी हुन् ।

पछिल्लो समय शाहरुखको फिल्मी करियर ओरालो लाग्दै गएको विश्लेषण बलिउडमा हुन थालेको छ । यसै बिच प्रदर्शनको तयारीमा रहेको जिरोले शाहरुखलाई गसिप हुनबाट बचाउँछ या उनको ओरालो लागेको फिल्मी करियरमा अर्को एक बज्रपात पर्ने छ त्यो भने प्रतीक्षाको बिषय बनेको छ ।