निर्मातालाई आइतबारबाट शो नै हट्छ भन्ने पिर हो क्या ?

हलमा नेपाली फिल्मको भेल लागेको छ । ब्ल्याक, मिस्टर भर्जिन, जय शम्भु र बार्हमासे लागेका छन् । फिल्मले बल्ल बल्ल मल्टिप्लेक्स हलमा शो पाएका छन् । अहिले त नेपाली फिल्म आइतबारसम्म मल्टिप्लेक्स हलमा टिक्न छाडेका छन् । आइतबार त शो नै हराउने गर्न थालेको छ ।

यही भएर होला, शुक्रबार राजधानीको कुमारी हलमा दिनभर फिल्मको प्रेश शो राखियो ।

बिहानदेखि बेलुकासम्म पत्रकारले रिलिज भएका ३ फिल्म हेर्नुपर्यो । एकैदिनमा ३ फिल्म कसरी हेरेर कस्तो समिक्षा पत्रकारले गर्लान् ? यो फिल्म देखाउने तछाडमछाड किन होला ?

बिहानै मिस्टर भर्जिन हेर्न पुगेका पत्रकारले पौने १२ बजेको शोमा ब्ल्याक हेरे । यो फिल्म सकिने नपाउँदै कुमारी हलमा नै जय शम्भु हेर्नुपरेको थियो । लगालग ३ फिल्मका निर्माताले फिल्म देखाउने तछाड मछाड गर्दा, एउटा कुरा भन्न सकिन्छ । के आइतबारदेखि हलमा शो नै बाँकी रहँदैन भन्ने पिर हो निर्मातालाई ? होइन भने शुक्रबार नै फिल्म देखाउन यो लडाई किन ? हलमा दर्शकलाई पो आकर्षित गर्ने हो ? पत्रकारलाई फिल्म देखाउन एकै दिनमा किन यत्रो लडाई ? मिलाएर गर्दा हुदैन र ? फिल्म चलाउन नि लडाई, फिल्म देखाउन पनि लडाई ।