करोड क्लबमा ‘कायरा’, तीन दिनमा कति कमायो ?

शुक्रबारबाट प्रदर्शनमा आएको फिल्म ‘कयरा’ प्रदर्शनको तेश्रो दिनमा करोड क्लबमा प्रवेश गरेको छ । आर्यन सिग्देल र साम्राज्ञी राज्य लक्ष्मी शाह अभिनित फिल्मले शुक्रबार ३४ लाख ६५ हजार भन्दा बढी कलेक्सन गरेको थियो भने प्रदर्शनको दोश्रो दिन ६२ लाख भन्दा बढी कलेक्सन गर्न सफल भयो ।

प्रदर्शनको तेश्रो दिन भने फिल्मको कलेक्सनमा गिरावट आयो । आइतबार नेपाल भरबाट फिल्मले कुल १५ लाख कलेक्सन गरेको छ । मोफसलमा ५ लाख ५० हजार कलेक्सन गरेको फिल्मले उपत्यका भित्र ९ लाख ५० हजार कलेक्सन गर्न सफल भएको छ । फिल्मले तीन दिनमा कुल १ करोड ११ लाख ६५ हजार भन्दा बढी कलेक्सन गर्न सफल भएको छ ।
(वितरक सुनिल मानन्धरले दिएको जानकारीमा आधारित)